Belarus Live 05.10.2007

Галоўная ўнутрыпалітычная інтрыга апошніх дзён зьвязаная з маючым адбыцца 14 кастрычніка ў Менску "Эўрапейскім маршам". 9 кастрычніка ўлады дазволілі акцыю, але ня ў тым фармаце, які прапаноўвалі заяўнікі. Апазыцыю ня хочуць пускаць на Кастрычніцкую плошчу, дзе адбываліся пратэсты ў сакавіку 2006 году. У сваю чаргу, частка апазыцыянэраў лічыць зьдзекам дазвол мітынгаваць у нязручным месцы далёка ад гарадзкога цэнтру — як яны кажуць, "на сабачай пляцоўцы". Зрэшты, на колькасьць удзельнікаў найхутчэй што паўплывае іншы чыньнік – тое, што перад акцыяй па ўсёй краіне пракацілася хваля арыштаў апазыцыйных актывістаў. Яны трапляюць за краты пераважна паводле стандартнага абвінавачаньня ў нецэнзурнай лаянцы.

• Месца выхаду: Мінск
• Дата выхаду: 2007-10-05
• Copyright: © 2006-2009 by Belarus Live
• Кнігазбор: Kamunikat.org
• Дадатковая даведка: http://belarus-live.eu