Belarus Live 05.06.2008

Падзея, якая адбылася 5 чэрвеня ў Жэнэве, стала, можа быць, малазаўважнай, але вельмі істотнай. Урад Беларусі пазьбегнуў чарговага жорсткага пакараньня ў ходзе разгляду беларускага пытаньня на паседжаньні Камітэту па нормах і стандартах Міжнароднай арганізацыі працы (МАП). Адхіленьне кіраўніка прапрэзыдэнцкай Фэдэрацыі прафсаюзаў Беларусі Л. Козіка ад удзелу ў падрыхтоўцы і правядзеньні паседжаньня камітэту выключыла магчымасьць арганізацыі якіх-колечы правакацыяў з боку ФПБ, як гэта ўжо стала нормай і як гэта адбывалася роўна год таму ў Жэнэве. Тады, як вядома, каманда Л. Козіка занялася фальсыфікацыяй подпісаў расейскіх і ўкраінскіх прафсаюзаў, вынікам чаго стаў нечуваны скандал, якога сьцены МАП яшчэ ня ведалі. Заканамерным вынікам гэтай правакацыі зьявілася чарговае ўключэньне Беларусі ў спэцпараграф і адкліканьне гандлёвых прэфэрэнцыяў Эўрапейскага Зьвязу.

• Месца выхаду: Мінск
• Дата выхаду: 2008-06-05
• Copyright: © 2006-2009 by Belarus Live
• Кнігазбор: Kamunikat.org
• Дадатковая даведка: http://belarus-live.eu