Belarus Live 01.01.2007

Пры канцы году самай хвалюючай тэмай для беларусаў стала газавая. Магчымы ланцуговы рост усіх коштаў у зьвязку з рэзкім падаражэньнем расейскіх энэрганосьбітаў трывожыць нават апалітычных абываталяў. Але яшчэ цяжэйшы роздум пануе ў кіроўных вярхох: разбураецца падмурак "беларускага эканамічнага цуду"! Таму афіцыйны Менск наважыўся на перамовах з "Газпромам" трымацца да апошняга. 26 сьнежня чарговы раўнд такіх перамоваў у Маскве скончыўся безвынікова. Расея сьцьвярджае, што і так пайшла на беспрэцэдэнтныя зьніжкі дзеля хаўрусьніка, скінуўшы кошт блакітнага паліва з $200 да $105-110 за тысячу кубамэтраў. Але беларускі бок згодны плаціць максымум $75. Павісла ў паветры і пытаньне продажу паловы акцыяў беларускай газатранспартнай сыстэмы "Газпрому" (чаго даўно дамагаецца расейскі бок, зацікаўлены самастойна кантраляваць транзыт).

• Дата выхаду: 2007-01-01
• Copyright: © 2006-2009 by Belarus Live
• Кнігазбор: Kamunikat.org
• Дадатковая даведка: http://belarus-live.eu