Уладзімір Арлоў прэзентуе непадцэнзурнае выданне “Каласоў…” у Любліне

2026-03-02 15:03

У суботу, 7 сакавіка, у Любліне адбудзецца прэзентацыя новага выдання кнігі «Каласы пад сярпом тваім» аўтарства класіка беларускай літаратуры Уладзіміра Караткевіча.

Удзел у імпрэзе бяруць выдавец, дырэктар Фонда «Камунікат» Яраслаў Іванюк і пісьменнік, папулярызатар гісторыі Уладзімір Арлоў.

Выдавец Яраслаў Іванюк раскажа гісторыю выдання, якім «Камунікат» завершыў святкаванне свайго 25-годдзя. А Уладзімір Арлоў падзеліцца асабістымі згадкамі: як класік паўплываў на яго жыццё і выбар. Наведнікі сустрэчы пачуюць між іншым пра сланоў у цэнтры Менску і чаму кнігі Караткевіча давалі па дзве ў адны рукі.

Падчас прэзентацыі можна будзе набыць беларускія кнігі выдавецтва «Камунікат».

Люблін, Baobab (ul. Krakowskie Przedmieście 39b)

Пачатак у 17:00

Уваход вольны

Сустрэча ладзіцца ў межах праграмы ArtPower Belarus у сумесным праекце Міжнароднага Саюза беларускіх пісьменнікаў і кампаніі «Будзьма беларусамі».

Крыніца: Міжнародны саюз беларускіх пісьменнікаў

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк