Алесь Пашкевіч адкрывае новае імя ў гісторыі беларускай літаратуры

«І Я сказаў табе: «Жыві» — гэта нарыс і па сутнасці першая праца пра яркую і да нашых дзён невядомую асобу, літаратара, дзеяча вызваленча-нацыянальнага руху Адама Тамашавіча Свентаржэцкага.

Не ўсё з напісанага Адамам Свентаржэцкім, народжанага на Ігуменшчыне, дайшло да нас. Вершы, якім лёсіла захавацца, заставаліся ў архіўных рукапісах; аніводнай публікацыі яго тэкстаў — ні ў газетах, ні ў асобных зборніках — раней не з’яўлялася. Як дасюль не было згадак пра паэта і паўстанца ў якіх-кольвек энцыклапедыях ці літаратуразнаўчых публікацыях.

Набыць кнігу можна ў мінскіх крамах «Акадэмкніга», «Кніжная шафа», у сталічным павільёне выдаўца (Гандлёвы цэнтр «Купалаўскі», ст. метро «Кастрычніцкая», павільёны 41 і 42) ці па спасылцы з перасылкай па ўсім свеце на knihi. by.