“Кніжны рысь” абвесціў адкрытую перадзамову на новы пераклад “Хобіта”

2025-06-05 15:08

Ініцыятары серыі «Кніжны рысь» абвесцілі папярэднюю замову на новы пераклад «Хобіта» Дж. Р. Толкіна і запрашаюць запоўніць адмысловую форму на сайце hobit.by, каб атрымаць кнігу па найбольш выгаднай цане.

Пераклад кнігі на беларускую мову зрабіў Франц Корзун (у ягоным перакладчыцкім даробку «Паліяна» Элінор Х. Потэр і «Лісты Круцяля» Клайва Стэйплза Льюіса), а вокладку намалявала беларуская мастачка Ірына Дражына.

Выхад з друку поўнага накладу культавай гісторыі ад Дж. Р. Толкіна плануецца на 1-га верасня 2025 году. Кніга можа стаць добрым падарункам для дзяцей да пачатку навучальнага году.

Сачыць за навінамі ініцыятывы «Кніжны рысь» можна праз Instagram.

Крыніца: Міжнародны саюз беларускіх пісьменнікаў

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк