Абвешчаны пераможца прэміі Багушэвіча

2020-06-05 16:11

:/:

У прамым эфіры Беларускі ПЭН-цэнтр абвясціў пераможцу прэміі Францішка Багушэвіча. Сёлета перамогу здабыў Алесь Смалянчук за кнігу «Раман Скірмунт: жыццяпіс грамадзяніна Краю».

Словы падзякі выказаў сам аўтар, прафесар Алесь Смалянчук:

– Вельмі ўдзячны за высокую ацэнку маёй працы – гістарычнага даследавання. І вельмі прыемна далучыцца да такой кампаніі знакамітых асобаў. Трохі здзіўлены, але вельмі-вельмі прыемна. Для мяне гэта важная ўзнагарода, бо яна паказвае грамадскую значнасць прафесійнага гістарычнага даследавання. Яшчэ адзін такі шлях, каб беларускае грамадства бліжэй пазнаёмілася з такімі людзьмі як Раман Скірмунт. Лічу, што гэта вельмі важна.

Летась кніга Алеся Смалянчука, прысвечаная прэм’еру БНР і лідару правага крыла ў яе кіраўніцтве, атрымала прэмію 8-га Кангрэса даследчыкаў Беларусі ў Вільні.

Беларускае Радыё Рацыя

Крыніца: Беларускае Радыё Рацыя

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк