be
pdf

Крывінка 21 (83) 2010

інфармацыйна-культурная газета Бешанковіцкага раёна

Спадар Прэзідэнт! Чытаю тваю перадвыбарчую праграму і не магу пагадзіцца з мноствам спрэчных месцаў. Ты падкрэсліваеш, што ўсе гады твайго кіраўніцтва “мы делали тяжёлую, но нужную для государства работу ВМЕСТЕ”. А я думаю: рабілі то мы разам, але каму было цяжэй, нам ці табе, яшчэ можна паспрачацца. Я хоць і працую настаўнікам, але штогод не выпускаю з рук ручак плуга, бо не магу дастойна жыць на грашы, якія ты мне плаціш. Ты ж усё больш “працуеш” з клюшкай ды мікрафонам. Але чамусьці за тую “цяжкую” працу ты маеш заробак непараўнальна вышэйшы за заробак любога чалавека ў нашай краіне: за тры дні амаль мільён рублёў. (Акрамя дзяржаўных самалётаў, верталётаў, “Мэрсаў”, спецназа, рэзідэнцыяў, дачаў і санаторыяў.) А нам за той мільён прыходзіцца ўкалываць месяцамі. І з яго мы запраўляем свае машыны, плацім за кватэры, кормім сем’і. Ты ж са сваімі мільёнамі знаходзішся на ўсім гатовым, на дзяржаўным забяспячэнні. А ўся твая абслуга (ад спецназа да ўнітаза) каштуе нам, тваім налогаплацельнікам, штогод 400 000 000 даляраў!!! Больш мільёна даляраў кожны дзень ты спускаеш ва ўнітаз! І тое – чыстая праўда. “...спасли село и обеспечили продовольственную безопасность...” Гэта як сказаць: калі лічыць, што на сяле ніводзін мужык не дажывае да пенсіі, якое ж тут ратаванне сяла? Хутчэй сялу поўны капут. А тыя прадукты, што даюць твае калгасы, удвая даражэйшыя за імпартныя, ды яшчэ з дамешкам радыяцыі. Вось табе і харчовая бяспека!

Каталёг: Kamunikat.org
Пэрыёдыка: Крывінка
  • Месца выхаду: в. Старыя Ранчыцы, Бешанковіцкі раён
  • Дата выхаду: 2010-12
  • Рэдактар: Станкевіч Георгій
  • Copyright: © 2008-2010 by Крывінка
  • Кнігазбор: Kamunikat.org
Камунікат.org – Беларуская Інтэрнэт-Бібліятэка
Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк
Fundacja Kamunikat.org | KRS 0000735360 | NIP 5423316380 | REGON 380450384 ul. Proletariacka 11 |15-449 Białystok| Polska
Правы © 2000-2024 by Kamunikat.org