be
pdf

Гасцінец 20 (95) 2009

Інфармацыйная культурна-грамадская газета Гарадоччыны

Краіна веласіпедыстаў. Вандроўкі дараць новыя ўяўленні аб краіне наведвання. Да апошняй вандроўкі Нідэрланды ўяўляліся краінай цюльпанаў і футбола, краінай каналаў і полдэраў - зям­лёй адваяванай у мора. Але тыднёвае зна­ходжанне ў краіне цюльпанаў змяніла аб ёй ўяўленне. З самых першых крокаў па зямлі Нідэрландаў пачало фармавацца новае ўяўленне аб краіне Ван Гога і Рэмбран­та. Ля самых дзвярэй гатэля дарожка для веласіпедыстаў, па якой няспынна яны рухаліся. І так па ўсёй краіне – тдарога для машын, дарога для веласіпедыстаў. Быў у Гаазе і Амстэрдаме, Ваасаары і Альпендор­не, Ротэрдаме і Дэльфе і ў кожным горадзе аднолькавыя карціна - веласіпедысты прыярытэтныя гаспадары дарог. На іх цэлы класс у Ваасаары выязжаў на экскурсію па мястэчку. На веласіпедзе прыехаў на першую сустрэчу пасля вяртан­ня з Кітая дырэктар прымаючай арганізацыі 65 гадовы Пітэр Кніп. Наш трэнер Хэнк ва ўзросце каля 70 гадоў плануе правесці уэ­кэнд у веласіпеднай вандроўцы па краіне, заехаўшы у госці да цёшчы. Сказаць, што ў Нідэрландах культ веласіпедыстаў гэта значыць амаль нічога не сказаць. Гэта трэба убачыць, гэта трэ­ба адчуць. Трэба убачыць сотні, тысячы веласіпедаў прыпаркаваных ля вакзалаў. Трэба ўбачыць паўсюдна дзеючыя пункты пракату веласіпедаў. Трэба адчуць павагу галандцаў да веласіпедыстаў, да здаро­вага ладу жыцця які нясе веласіпед. Мой сябар Алесь заявіў: «Усё, набываю шчэ два веласіпеда і сям’ёй вандруем па ваколіцах Бабруйска, а потым і па краіне».

Каталёг: Kamunikat.org
Пэрыёдыка: Гасцінец
  • Месца выхаду: Гарадок
  • Дата выхаду: 2009-11
  • Рэдактар: Гаравы Леанід
  • Copyright: © 2008-2010 by Гасцінец
  • Кнігазбор: Kamunikat.org
Камунікат.org – Беларуская Інтэрнэт-Бібліятэка
Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк
Fundacja Kamunikat.org | KRS 0000735360 | NIP 5423316380 | REGON 380450384 ul. Proletariacka 11 |15-449 Białystok| Polska
Правы © 2000-2024 by Kamunikat.org